Prosiect partneriaeth newydd cyffrous yw Power Up, wedi’i ariannu gan Gronfa Gymunedol y Loteri Genedlaethol drwy’r grant Meddwl Ymlaen.
Platfform yw’r partner arweiniol yn y prosiect, yn gweithio ar y cyd â’r partneriaid canlynol:
- Cyngor Caerdydd
- Cyngor Bro Morgannwg – Vale of Glamorgan Council
- Bwrdd Iechyd Prifysgol Caerdydd a’r Fro – Cardiff and Vale University Health Board
- ProMo Cymru - ProMo Cymru
- YMCA Caerdydd - YMCA Cardiff
- iBme
- Llamau
- EYST
Mae’r prosiect yn cael ei gynnal ledled Caerdydd a Bro Morgannwg, ac rydym yn gweithio gyda phobl ifanc rhwng 10 a 25 mlwydd oed. Nod Power Up yw rhoi pobl ifanc wrth y llyw o ran penderfynu beth sydd ei angen arnyn nhw gan ddarpariaeth iechyd meddwl y dyfodol.
Rydym yn ein blwyddyn ddatblygu ar hyn o bryd, a byddwn yn defnyddio’r amser hwn i ymgysylltu â phobl ifanc ar draws y rhanbarth, gan gasglu eu straeon, eu syniadau a’u meddyliau ar gyflwr darpariaeth iechyd meddwl fel y mae ar hyn o bryd, a’r hyn yr hoffent ei weld gan ddarpariaeth y dyfodol.
O fis Medi 2023 hyd fis Medi 2026, byddwn yn darparu darpariaeth cymorth sydd wedi’i ddylunio gan bobl ifanc yn ystod y cyfnod datblygu.
Gwyddom fod gan Power Up y cyfle i ddylanwadu ar dirwedd iechyd meddwl Cymru am flynyddoedd i ddod. Byddwn yn defnyddio ein hymchwil i ddylanwadu ar bolisi ar lefel genedlaethol a lefel y Deyrnas Unedig, gan greu cyfleoedd i bobl ifanc gyfarfod â llunwyr penderfyniadau allweddol.
I gael gwybod mwy, anfonwch ebost atom powerupproject@platfform.org.
SUT I GYMRYD RHAN YN POWER UP
Mae llawer o ffyrdd o gymryd rhan.
Yn gyntaf, gallet ymuno â’n grŵp cynghorol. Grŵp yw hwn ar gyfer pobl ifanc rhwng 10-25 mlwydd oed sy’n byw yng Nghaerdydd a’r Fro, ac sy’n dymuno ein helpu i lywio cyfeiriad y prosiect! Mae’r grŵp yn cwrdd yn fisol i drafod Power Up a rhannu syniadau ar gyfer datblygu.
Gallet hefyd gymryd rhan mewn cyfweliad gyda’n Hymchwilydd Cyfoedion – byddai’n golygu sgwrs fer am dy brofiadau o gael mynediad at gefnogaeth iechyd meddwl a beth mae lles yn ei olygu i ti.
Os mai ysgol neu sefydliad cymunedol ydych chi, buasem wrth ein boddau’n galw heibio i hwyluso gweithdy ymgysylltu. Mae ein gweithdai yn fforymau i bobl ifanc gael rhannu eu syniadau a’u straeon, a byddwn yn eu casglu i helpu i lywio dyluniad y gwasanaeth a ddarparwn.
I gymryd rhan yn y prosiect llenwch ein Expression on Interest form
Gwnewch gais cyn 23:59 ar Ddydd Sul Ionawr 15fed 2023