Rydyn ni’n gweithio gyda phobl ifanc 11-16 oed yn Abertawe, Castell-nedd a Port Talbot, gan ddefnyddio cyfuniad o gefnogaeth un-i-un, grwpiau cymorth cyfoedion a’r rhaglen Meddwl am dy Feddwl. Rydyn ni’n cydweithio â Vibe Youth a’r YMCA i ddarparu gweithdau fel rhan o’r prosiect hwn.
Does dim angen diagnosis arnoch i gael help gan y prosiect – rydym yn gweithio gydag unrhyw un sy’n cael trafferth. Dydyn ni ddim yn ceisio ‘trwsio’ pobl. Byddwn yn gwrando ar gyfranogwyr ac yn gweithio gyda nhw i ganfod ffyrdd a strategaethau newydd sy’n helpu i hyrwyddo lles.
Bydd unrhyw un sy’n cymryd rhan hefyd yn cael cyfle i hyfforddi i ddod yn Fentor Cyfoedion Gwirfoddol. Mae mentoriaid yn gweithio gyda ni i lywio dyfodol y prosiect, gan sicrhau mai dyma’r union beth y mae ar bobl ifanc ei eisiau a’i angen.
Beth sy’n digwydd?
Grwpiau cyfoedion
Cyfarfodydd wythnosol mewn amgylchedd diogel a hamddenol lle gallwch chi fod yn chi’ch hun a mynnu eich llais eich hun. Y rhai sy’n cymryd rhan sy’n penderfynu pa agweddau ar les maen nhw am eu trafod a faint yr hoffent ei rannu. Yn y grwpiau, byddwn yn cyflwyno gweithdai ar bynciau y mae’r bobl ifanc yn gofyn amdanynt, felly mae’n lle i ddysgu oddi wrth ein gilydd a chael hwyl wrthi!
Cefnogaeth 1-i-1
Mae ein cefnogaeth 1-i-1 yn digwydd dros chwe sesiwn awr o hyd. Gellir cynnal y sesiwn hon naill ai wyneb yn wyneb neu ar-lein yn dibynnu ar ble mae’r person ifanc yn teimlo fwyaf hyderus. Gallai hyn fod naill ai yn yr Ysgol, yn ein Swyddfa yn Nhreforys, Abertawe neu yn y gymuned leol (e.e. siop goffi neu lyfrgell). I’r rhai sydd eisiau cael cefnogaeth ar-lein, gallwn wneud galwad ffôn, Zoom neu Teams.
Sylwer nad gwasanaeth cwnsela mo hwn. Rydym yn canolbwyntio ar ddull sy’n seiliedig ar gryfderau i helpu pobl ifanc ddysgu ffyrdd newydd o reoli eu hiechyd meddwl a’u lles.
Gwaith grŵp
Rydym yn cynnal Rhaglen Llesiant Chwe wythnos (o’r enw Meddwl am dy Feddwl), wedi’i chynllunio gan bobl ifanc ar gyfer pobl ifanc, a’i nod yw darparu gwybodaeth ac arweiniad ynghylch cefnogi eu hiechyd meddwl a’u lles eu hunain. Mae ein rhaglen yn cynnwys 6 sesiwn awr o hyd, sy’n digwydd mewn amgylcheddau fel ysgolion neu ardaloedd cymunedol, sy’n caniatáu i bobl ifanc ddod at ei gilydd a chefnogi ei gilydd tuag at newid cadarnhaol.
Gallwn hefyd gynnig cefnogaeth i ysgolion a grwpiau cymunedol ynghylch pynciau eraill sy’n ymwneud ag iechyd meddwl a lles, gan gynnwys:
Straen Arholiadau
Llesiant Cyffredino
Diogelwch Ar-lein
Os hoffech gael rhagor o wybodaeth am yr hyn y gallem ei gynnig i’ch sefydliad, cysylltwch â ni drwy’r canlynol: youngpeople@platfform.org
Sut i gael mynediad
Hunangyfeirio
Os ydych chi’n berson ifanc rhwng 11 a 16 oed ac yn dymuno cael mynediad at ein prosiect i gael cefnogaeth, gallwch gyfeirio atom gan ddefnyddio ein ffurflen Llwybr Hunangyfeirio Bae Abertawe isod:
Platfform 4YP – Ffurflen Hunangyfeirio
Cyfeirio gan Ysgol/Asiantaeth
Os ydych chi’n gweithio mewn ysgol neu yn y gymuned ac yn adnabod person ifanc a allai fod angen cefnogaeth gan ein prosiect, yna gallwch gyfeirio atom gan ddefnyddio ein ffurflen Llwybr Hunangyfeirio Bae Abertawe isod:
Platfform 4YP – Ffurflen Gyfeirio Asiantaeth
Cyswllt
I gael gwybod rhagor, cysylltwch â ni:
I gysylltu, gallwch
e-bostio: youngpeople@platfform.org
Neu ffoniwch: 01656 647722 / 07972631978