Mae ein gweithdy pontio yn sesiwn hwyliog, ryngweithiol a chefnogol sy’n rhoi strategaethau ymarferol i ddysgwyr allu rheoli eu pryderon ynghylch dechrau yn yr ysgol uwchradd. Rydym yn canolbwyntio ar feithrin hyder, gwydnwch a sgiliau datrys problemau i helpu dysgwyr i ymdrin â’r newid hwn gyda meddylfryd cadarnhaol.
Beth fydd dysgwyr yn ei ddysgu
Drwy weithgareddau difyr, trafodaethau grŵp ac ymarferion meithrin hyder, bydd dysgwyr yn:
- Datblygu gwydnwch a hyblygrwydd i ymdopi â heriau newydd
- Dysgu strategaethau ymdopi ar gyfer ymdrin â phryderon ynghylch newid
- Ennill sgiliau datrys problemau a hunanhyder i lywio sefyllfaoedd cymdeithasol ac academaidd
- Ymarfer technegau i leddfu pryder ynghylch gwneud ffrindiau, cwrdd ag athrawon newydd a rheoli amgylchedd newydd
- Meithrin hyder i fynd i’r ysgol uwchradd gyda chyffro a pharodrwydd.
Pam ymuno â’r gweithdai?
Mae ymchwil a gynhaliwyd gan dîm Platfform yn tynnu sylw at y ffaith bod pryderon mwyaf dysgwyr yn ymwneud â:
- Newidiadau cymdeithasol – gwneud ffrindiau newydd a ffitio i mewn.
- Pwysau academaidd – ymdrin â phynciau a disgwyliadau newydd
- Addasu i amgylchedd newydd – rheoli amserlenni, dod o hyd i’w ffordd o gwmpas, a deall rheolau’r ysgol.
Drwy gymryd rhan yn y gweithdy, bydd dysgwyr yn teimlo’n fwy parod, yn fwy tawel eu meddwl, ac yn fwy cyffrous am eu cam addysgol nesaf.
Pwy all fynychu
Mae’r gweithdy hwn yn agored i ddysgwyr Blwyddyn 6 yn Abertawe sy’n paratoi ar gyfer pontio i’r ysgol uwchradd. Cynigir hyn drwy staff eu hysgol gynradd, ac mae Platfform yn anelu at ddarparu gweithdai yn ystod gwyliau’r haf ar drawsnewid, pryder, gwydnwch a mwy. P’un a yw’ch plentyn yn teimlo’n nerfus neu ddim ond eisiau magu hyder ychwanegol, bydd y sesiwn hon yn darparu arweiniad a chefnogaeth werthfawr.
Cofrestru
Am ragor o wybodaeth neu i gofrestru, cysylltwch â YoungPeople@platfform.org